ரவுடி கொலை - ஐவர் கைது

தேனி மாவட்டம் ,பெரியகுளம் வடகரை திருவள்ளுவர்நகர் கல்லாறுரோடு அழகர்சாமிபுரம் பகுதியைச் சேர்ந்த கணேசன் என்பவரது மகன் கண்ணதாசன் என்ற முட்ட கண்ணன் (31) சட்டவிரோதமாக மதுபாட்டில்கள் மற்றும் கஞ்சா விற்பனை செய்து வந்துள்ளார். அரிவாள் கத்தி உள்ளிட்ட ஆயுதங்களைக் கொண்டு பொதுமக்கள் மற்றும் சாலைகளில் சென்று வருவோரை அச்சுறுத்தி வருவதை வழக்கமாகக் கொண்டு ரவுடி போல் வலம் வந்துள்ளார்.

பலமுறை சிறை சென்று வருவதோடு தொடர்ந்து பல்வேறு குற்ற செயல்களில் ஈடுபட்டு வந்துள்ளார். இவர் மீது கஞ்சா ,கொலை முயற்சி உள்ளிட்ட பல்வேறு குற்ற வழக்குகள் உள்ளது என காவல்துறையினர் தகவல் தெரிவித்துள்ளனர்.

இதே பகுதியைச் சேர்ந்த அண்ணன் தம்பியான கரண்குமார் (25), புகழேந்தி (24) ஆகிய இருவரையும் கண்ணதாசன் என்ற முட்டகண்ணன் மதுபோதையில் வீண் வம்பிழுத்து தாக்கியுள்ளார் .அதனால் கரண்குமார், புகழேந்தி அண்ணன் தம்பியான இருவரும் சேர்ந்து அவர்களது நண்பர்களான அழகர்சாமிபுரம் காளியம்மன் கோவில்தெருவை சேர்ந்த அழகர் (22) , மதுரை சோழவந்தான் முள்ளி பள்ளம் பகுதியைச் சேர்ந்த இளங்கேஸ்வரன் (28) , சார்லி (23) உள்ளிட்ட ஐந்து நபர்களும் ஒன்று சேர்ந்து நேற்று இரவு கண்ணதாசன் என்ற முட்ட கண்ணன் என்பவரை கத்தியால் குத்தி கொலைவெறி தாக்குதல் நடத்தியுள்ளனர்.

அக்கம் பக்கம் இருந்தவர்களின் அலறல் சத்தம் கேட்டு குற்ற செயல்களில் ஈடுபட்ட ஐந்து நபர்களும் அங்கிருந்து தப்பி ஓடியுள்ளனர். இதனைத் தொடர்ந்து பெரியகுளம் காவல்துறையினருக்கு தகவல் தெரிவிக்கப்பட்டதையடுத்து சம்பவ இடத்திற்கு விரைந்து சென்ற பெரியகுளம் காவல்துறையினர்,உடலில் பல்வேறு இடங்களில் பலத்த காயத்துடன் உயிருக்கு ஆபத்தான நிலையில் இருந்த கண்ணதாசன் (எ) முட்ட கண்ணன் என்பவரை மீட்டு பெரியகுளம் அரசு மாவட்ட தலைமை மருத்துவமனைக்கு சிகிச்சைக்கு அனுப்பி வைத்துள்ளனர்.

.அங்கிருந்து மேல் சிகிச்சைக்காக தேனி அரசு மருத்துவக் கல்லூரி மருத்துவமனைக்கு கொண்டு செல்லும் வழியில் கண்ணதாசன் என்ற முட்டகண்ணன் பரிதாபமாக உயிரிழந்துள்ளார் .

பல்வேறு வழக்குகளில் தொடர்புடைய கண்ணதாசன் என்ற முட்ட கண்ணன் என்பவரை கொலை செய்த 5 நபர்களையும் பெரியகுளம் காவல்துறையினர் கைது செய்து பல்வேறு பிரிவுகளின் கீழ் வழக்கு பதிவு கொலைக்கு உண்டான காரணம் குறித்து செய்து விசாரணை செய்து வருகின்றனர் . மேலும் கைது செய்யப்பட்டுள்ள புகழேந்தி ,கரண்குமார் அண்ணன் தம்பி ஆகிய இருவர் மீதும் ஏற்கனவே பல்வேறு வழக்குகள் நிலுவையில் உள்ளது.

கடந்த சில நாட்களாக பெரியகுளம் ,வடுகபட்டி ஆகிய பகுதிகளில் தொடர் கொலைகள் அரங்கேறி வருவதால் பொதுமக்கள் மிகுந்த அச்சத்துடன் இருந்து வருகின்றனர்.