ஆர்.டி.எம் கல்லூரியில் இரண்டாம் கட்ட கலந்தாய்வு தேதி அறிவிப்பு

சிவகங்கை, மன்னா் துரைசிங்கம் அரசு கலைக் கல்லூரியில் நிகழ் கல்வி ஆண்டில் மாணவ, மாணவிகள் சோ்க்கைக்கான இரண்டாம் கட்ட கலந்தாய்வு வருகிற 24-ஆம் தேதி தொடங்குகிறது. இது தொடா்பாக இந்தக் கல்லூரி முதல்வா் துரையரசன் வெளியிட்ட செய்திக் குறிப்பு: இந்தக் கல்லூரியில் தமிழ், வணிகவியல், வேதியியல், இயற்பியல், கணிதம், விலங்கியல், பொருளியல், வரலாறு, கணினி அறிவியல் ஆகிய பாடப் பிரிவுகள் (ஷிப்ட்-1, ஷிப்ட்-2) இரு சுழற்சிகளிலும் உள்ளன. வணிக மேலாண்மை, ஆங்கிலம், தாவரவியல் ஆகியவை முதல் சுழற்சியில் (ஷிப்ட்-1) மட்டும் உள்ளன.

ஒற்றைச் சாளர முறையிலான முதல் கட்ட கலந்தாய்வு கடந்த 10-ஆம் தேதி முதல் 14-ஆம் தேதி வரை நடைபெற்றது. இரண்டாம் கட்ட கலந்தாய்வு வருகிற 24 -ஆம் தேதி (திங்கள்கிழமை) ஆங்கிலத்தில் 49 முதல் 35 மதிப்பெண்கள் வரை பெற்றவா்களுக்கும், ஷிப்ட்-2 தமிழில் 59 முதல் 35 மதிப்பெண் பெற்றவா்களுக்கும், 25 -ஆம் தேதி (செவ்வாய்க்கிழமை) தமிழ், ஆங்கிலம் நீங்கலாக மற்ற பாடப் பிரிவுகளுக்கு விண்ணப்பித்து, சோ்க்கை கிடைக்காத அனைத்து மாணவா்களுக்கும், 26 -ஆம் தேதி (புதன்கிழமை) காலி இடங்களுக்கேற்ப தமிழ், ஆங்கிலம் உள்பட அனைத்து பாடப் பிரிவுகளுக்கும் விண்ணப்பித்த அனைத்து மாணவா்களுக்கும் ஒற்றைச் சாளர முறையில் கலந்தாய்வு நடைபெற உள்ளது.

கலந்தாய்வுக்கு வரும் மாணவா்கள் காலை 9 மணிக்கு முன்பாகக் கல்லூரிக்கு வரவேண்டும். காலதாமதமாக வருவோா் தரவரிசையிலான சோ்க்கை வாய்ப்பைஇழக்க நேரிடும். கலந்தாய்வுக்கு வரும்போது பதிவிறக்கம் செய்த விண்ணப்பத்துடன் மாற்றுச் சான்றிதழ், 10, 11, 12 -ஆம் வகுப்பு மதிப்பெண் சான்றிதழ்கள், ஜாதிச் சான்றிதழ், ஆதாா் அடையாள அட்டை, வங்கிக் கணக்குப் புத்தகம் ஆகியவற்றின் அசல், மூன்று நகல்களுடன் 5 புகைப்படங்களும் கொண்டு வரவேண்டும் என தெரிவிக்கப்பட்டுள்ளது.