கிராமப்புற அஞ்சல் ஊழியர்கள் ஆர்ப்பாட்டம்

எட்டு மணி நேர வேலை உள்ளிட்ட கோரிக்கைகளை முன்வைத்து புதுக்கோட்டை தலைமை அஞ்சலகம் முன்பு அகில இந்திய கிராமப்புற அஞ்சல் ஊழியர்கள் சங்கம், தேசிய கிராம அஞ்சல் ஊழியர் சங்கம் ஆகியவற்றின் சார்பில் ஆர்ப்பாட்டம் நடைபெற்றது. ஆர்ப்பாட்டத்திற்கு கிராமப்புற அஞ்சல் ஊழியர்கள் சங்கத்தின் தலைவர் வி. அடைக்கலம் தலைமை வகித்தார். செயலர் ஜி. வீரய்யா, பொருளாளர் எஸ். சூரிய பிரகாசம் உள்ளிட்டார் கோரிக்கைகளை விளக்கிப் பேசினர்.