கஞ்சா விற்பனை - 6 பேர் கைது, 2 பேர் தப்பியோட்டம்

செங்கல்பட்டு மாவட்டம் பவுஞ்சூர் அடுத்த அடையாளஞ்சேரி பகுதியில், கஞ்சா விற்பனை நடப்பதாக அணைக்கட்டு போலீசாருக்கு ரகசிய தகவல் கிடைத்தது. இதையடுத்து அங்கு சென்ற போலீசார், அடையாளஞ்சேரி ஏரிக்கரை பகுதியில் சந்தேகப்படும்படி நின்று கொண்டிருந்த 4 பேரை பிடித்து விசாரணை செய்ததில், அவர்கள் 1. 200 கிலோ கஞ்சா வைத்திருந்தது தெரிந்தது. மேலும் அந்த 4 பேர், கூவத்தூர் சித்தார்த்தன் (27), அடையாளஞ்சேரி காந்த் (29), குணா (24), சரத்குமார் (27) என்பதும் தெரிந்தது.

இதேபோல அடையாளஞ்சேரி பொங்கமேடு பகுதியில் 1 கிலோ கஞ்சா வைத்திருந்த 4 பேரை பிடித்து விசாரித்தனர். அது அன்பரசு (25), வாலோடை சக்திவேல் (24) மற்றும் கூவத்தூர் கதிர், தென்பட்டனம் குமார் என்பது தெரிந்தது. இதில் கதிர் மற்றும் குமார் தப்பியோடி விட்டனர். மற்ற 6 பேரையும் கைது செய்த அணைக்கட்டு போலீசார், செய்யூர் நீதிமன்றத்தில் ஆஜர்படுத்தி செங்கல்பட்டு சிறையில் அடைத்தனர். போலீசார் தப்பியோடிய இரண்டு பேரை தீவிரமாக தேடி வருகின்றனர்.