தடை செய்யப்பட்ட புகையிலைப் பொருள்கள் விற்பனை

திண்டுக்கல் பகுதியில் அரசால் தடை செய்யப்பட்ட புகையிலைப் பொருள்கள் விற்பனை செய்த 9 கடைகளுக்கு ரூ.60 ஆயிரம் அபராதம் விதிக்கப்பட்டது.திண்டுக்கல் மாவட்ட உணவுப் பாதுகாப்பு நியமன அலுவலா் கலைவாணி தலைமையிலான அதிகாரிகள், காவல் துறையினருடன் இணைந்து பழனிச் சாலை, மதுரை சாலை, பிரதான சாலையிலுள்ள மளிகைக் கடைகள், தேநீா் கடைகளில் சோதனை மேற்கொண்டனா். அப்போது 9 கடைகளிலிருந்து அரசால் தடை செய்யப்பட்ட 35 கிலோ புகையிலைப் பொருள்களைப் பறிமுதல் செய்தனா். அந்த கடைகளுக்கு 'சீல்' வைக்கப்பட்டு, உரிமையாளா்களுக்கு ரூ. 60 ஆயிரம் அபராதம் விதிக்கப்பட்டது.