லாட்டரி சீட்டு விற்பனை - கையும் களவுமாக பிடிப்பட்ட இளைஞர்

சேலம் ஆட்டையாம்பட்டி பகுதியில் லாட்டரி சீட்டு விற்பனை செய்ததாக ஆட்டையாம்பட்டி போலீசாருக்கு ரகசிய தகவல் வந்தது. இதையடுத்து சப்-இன்ஸ்பெக்டர் காமராஜர் மற்றும் போலீசார் அந்த பகுதியில் ரோந்து பணியில் ஈடுபட்டனர். அப்போது எஸ்.பாப்பாரபட்டி முத்தனம்பாளையம் பகுதியில் சந்தேகத்திற்கு இடமாக நின்று கொண்டிருந்த ஒருவரை மடக்கி பிடித்து விசாரணை நடத்தினர். அதில் லாட்டரி சீட்டுகளை விற்றது, அதே பகுதியை சேர்ந்த ஆனந்த் (25) என்பது தெரியவந்தது. ஆனந்தை கைது செய்த போலீசார், அவரிடம் இருந்து லாட்டரி சீட்டுகளை பறிமுதல் செய்தனர். மேலும், லாட்டரி சீட்டு விற்பனை தொடர்பாக வழக்கு பதிவு செய்யப்பட்டது.