சர்வதேச கிக் பாக்ஸிங்கில் சேலம் மாணவர்கள் சாதனை

புதுடெல்லியில் 3-வது வாகோ இந்தியா சர்வதேச கிக்பாக்சிங் போட்டி நடைபெற்றது. இதில் இந்தியா சார்பில் சேலம் மாவட்ட அமெச்சூர் கிக்பாக்சிங் சங்க செயலாளர் பிரேம்குமார் தலைமையில் 9 வீரர், வீராங்கனைகள் கலந்து கொண்டனர். 28 கிலோ எடை பிரிவில் சூர்யா தங்கமும், 42 கிலோ எடை பிரிவில் லக்சனா 2 தங்கமும், கிரியேட்டிவ் பார்ம் பிரிவில் ஹர விருத்தி வெள்ளியும், 57 கிலோ எடை பிரிவில் ஹரசாத்விக் வெண்கலமும், 57 கிலோ எடை பிரிவில் கேசவ் வெண்கலமும், 69 கிலோ எடை பிரிவில் மதுமித்ரன் 5-வது இடமும், 37 கிலோ எடை பிரிவில் கிரியோதிகா தங்கமும், 47 கிலோ எடை பிரிவில் ராஜா தங்கமும், 21 கிலோ எடை பிரிவில் ஆதிக் திலீபன் வெண்கல பதக்கமும் பெற்றனர். பதக்கம் வென்று சாதனை படைத்த வீரர், வீராங்கனைகள் கலெக்டர் பிருந்தாதேவியை சந்தித்து வாழ்த்து பெற்றனர். அப்போது அவர்களுடன் சங்க செயலாளர் பிரேம்குமார் உடன் இருந்தார்.