சேலம் மேற்கு மாவட்ட தி.மு.க. செயற்குழு கூட்டம்

சேலம் மேற்கு மாவட்ட தி.மு.க. செயலாளர் டி.எம்.செல்வகணபதி வெளியிட்டுள்ள அறிக்கையில் கூறி இருப்பதாவது, சேலம் மேற்கு மாவட்ட தி.மு.க. செயற்குழு கூட்டம் நாளை (வியாழக்கிழமை) மதியம் 3 மணிக்கு புதிய பஸ் நிலையம் அருகே உள்ள கலைஞர் மாளிகை வீரபாண்டியார் அரங்கில் நடைபெறுகிறது. அவைத்தலைவர் தங்கமுத்து தலைமை தாங்குகிறார். இந்த கூட்டத்தில் வருகிற 20-ந் தேதி தி.மு.க. தலைவரும், முதல்-அமைச்சருமான மு.க.ஸ்டாலின் சேலம் வருவது குறித்தும், 21-ந் தேதி நடைபெற உள்ள தி.மு.க. இளைஞர் அணியின் 2-வது மாநில மாநாடு குறித்தும், தமிழர் திருநாளான தமிழ் புத்தாண்டு குறித்து மற்றும் கட்சியின் வளர்ச்சி பணிகள் குறித்தும், ஆலோசிக்கப்பட உள்ளன. கூட்டத்தில் கட்சியின் அனைத்து அணி அமைப்பாளர்களும் கலந்து கொள்ள வேண்டும். இவ்வாறு அதில் கூறப்பட்டுள்ளது.