சமயபுரம் மாரியம்மன் கோயில் உண்டியல் காணிக்கை ரூ. 1.05 கோடி

சமயபுரம் மாரியம்மன் கோயில் உண்டியல்கள் செவ்வாய்க்கிழமை திறக்கப்பட்டு எண்ணப்பட்டதில் 1 கோடியே 05 லட்சத்து 84 ஆயிரத்து 057 ரூபாய் காணிக்கை கிடைத்தது. கோயில் இணை ஆணையா் சி. கல்யாணி தலைமையில் அலுவலா்கள், பணியாளா்கள் உள்ளிட்டோா் காணிக்கைகள் எண்ணும் பணியில் ஈடுபட்டனா். இதில், உண்டியல்களிலிருந்து ரொக்கம் 1,05,84,057 ரூபாய், 2 கிலோ 244 கிராம் தங்கம், 2 கிலோ 809 கிராம் வெள்ளி, 209 வெளிநாட்டு பணத்தாள்கள், 320 வெளிநாட்டு நாணயங்கள் கிடைக்கப் பெற்றது.