டூ வீலரில் மணல் கடத்தல் - போலீசை கண்டதும் தப்பியோடிய கும்பல்

திருச்சி மாவட்டம் அப்பாதுரை கொள்ளிடம் ஆற்றுப்பகுதியில் இரவு நேரங்களில் மணல் கடத்துவதாக சமயபுரம் போலீசாருக்கு ரகசிய தகவல் கிடைத்தது. தகவல் அறிந்த சமயபுரம் போலீசார் கடந்த 5 ம் தேதி இரவு அப்பாதுரை கொள்ளிடம் கரையில் ரோந்து பணியில் ஈடுபட்டிருந்தனர். அப்போது அடையாளம் தெரியாத மர்ம நபர்கள் மோட்டார் சைக்கிளில் சாக்கு முட்டைகளில் மணலை கடத்தி வந்தனர்.போலீசாரை கண்டதும் அடையாளம் தெரியாத நபர்கள் மோட்டார் சைக்கிளை அங்கே விட்டுவிட்டு அங்கிருந்து தப்பி சென்றனர். பின்னர் இரண்டு மோட்டார் சைக்கிளை மற்றும் நான்கு மூட்டை மணலை பறிமுதல் செய்த சமயபுரம் போலீசார் நேற்று வழக்கு பதிவு மணல் கடத்தி நபர்கள் யார் என விசாரணை செய்து வருகின்றனர். மேலும் தப்பியோடிய இருவரையும் போலீசார் தீவிரமாக தேடி வருகின்றனர்.