சிப்காட் அருகே மணல் திருட்டு - பொக்லைன் பறிமுதல்

ராணிப்பேட்டை அருகே உள்ள சீக்கியராஜபுரம் ஹவுசிங் போர்டு அருகில் பொன்னாற்று பகுதியில் வாலாஜா தாசில்தார் வெங்கடேசன் மற்றும் வருவாய் துறை அலுவலர்கள் ரோந்து பணியில் ஈடுபட்டிருந்தனர். அப்பொழுது அனுமதி இன்றி மணல் ஏற்றி வந்த பொக்லைன் இயந்திரம், மாட்டுவண்டி ஆகியவற்றை பறிமுதல் செய்தனர் மேலும் மாட்டு வண்டி ஓட்டி வந்த வடகால் பகுதியைச் சேர்ந்த பாபு என்பவரை பிடித்து போலீசில் ஒப்படைத்தனர். இது குறித்து கிராம நிர்வாக அலுவலர் கொடுத்த புகாரின் பேரில் சிப்காட் போலீசார் வழக்கு பதிவு செய்து பாபுவை கைது செய்து பொக்லைன் இயந்திர உரிமையாளர் கந்தன் என்பவரை தேடி வருகின்றனர்.