முசிறியில் சாரணீய இயக்க விழிப்புணா்வுப் பேரணி

முசிறி கல்வி மாவட்டத்துக்குள்பட்ட பள்ளிகளில் உள்ள சாரண சாரணீயா் இயக்கத்தினா் அதன் நிறுவனா் கேப்டன் பவுல் தின விழாவை முன்னிட்டு விழிப்புணா்வுப் பேரணி நடத்தினா். பேரணியை மாவட்டக் கல்வி அலுவலா் மதியழகன் தொடங்கி வைத்தாா். சாரணா் இயக்க ஆணையா் சண்முகம், மாவட்டச் செயலா் ஜெயமூா்த்தி, அமைப்பு ஆணையா்கள் திருமலை, நாகராஜ் மற்றும் பயிற்சி ஆணையா் சலீம் ஆகியோா் முன்னிலை வகித்தனா்.

பேரணியானது முசிறி அரசு பெண்கள் மேல்நிலைப் பள்ளியில் இருந்து தொடங்கி தா.பேட்டை சாலை, திருச்சி - சேலம் புறவழிச்சாலை வழியாக புதிய பேருந்து நிலையம் சென்று மீண்டும் அதே வழியாக அரசு பெண்கள் மேல்நிலைப் பள்ளியில் நிறைவடைந்தது. பேரணியை பயிற்சி ஆணையா்கள் ராதா, அமைப்பு ஆணையா் தேவகி, சாரண சாரணீயா் இயக்க மாவட்டப் பொருளாளா் ஷாஜகான் ஆகியோா் ஒருங்கிணைத்து வழி நடத்தினா். பேரணியில் முசிறி கல்வி மாவட்ட பள்ளிகளில் இருந்து 300-க்கும் மேற்பட்ட மாணவ மாணவிகள் பங்கேற்றனா்.