காங்கிரஸ் கட்சி சார்பில் சசிகாந்த் செந்தில் IAS போட்டி

திருவள்ளூர் நாடாளுமன்ற தொகுதியில் காங்கிரஸ் கட்சி சார்பில் சசிகாந்த் செந்தில் IAS போட்டியிடுகிறார். இந்த நிலையில் ஆவடி சட்டமன்ற தொகுதி திருவேற்காடு நகராட்சிக்குட்பட்ட பகுதிகளில் இன்று திறந்த வேனில் ஆவடி சட்டமன்ற உறுப்பினரும் முன்னாள் பால்வளம் துறை அமைச்சரும் ஆவடி எம்எல்ஏ வுமான ஆவடி சா.மு. நாசர் தலைமையில் வாக்கு சேகரிப்பில் ஈடுபட்டனர். அப்போது பிரச்சார வாகனத்தில் கூட்டணி கட்சியை சேர்ந்த நிர்வாகிகள் அதிகளவில் இருந்த நிலையில் அவர்களை எப்படி கீழே இறக்குவது என தெரியாமல் இருந்த நாசர் நல்லவர்கள் எல்லாம் வண்டியை விட்டு கீழே இறங்குங்கள் கெட்டவர்கள் எல்லாம் வண்டியில் ஏறுங்கள் என கூறியதால் அங்கு சிறிது நேரம் பரபரப்பு ஏற்பட்டது மேலும் பிரச்சார வாகனத்தில் முன்னாள் அமைச்சரும், காங்கிரஸ் வேட்பாளரும், கூட்டணி கட்சியினரும் இருந்த நிலையில் எம்எல்ஏ நாசர் இதுபோன்று கூறியது வேட்பாளர் மற்றும் கூட்டணி கட்சியினர் மத்தியில் அதிருப்தியை ஏற்படுத்தியது.