மாணவன் தொந்தரவால் பள்ளி மாணவி தற்கொலை முயற்சி

இராமநாதபுரம் மாவட்டம், முதுகுளத்தூர் அருகே இருக்கக்கூடிய பேரையூர் அரசு மேல்நிலைப் பள்ளியில் பதினோராம் வகுப்பு படிக்கும் செங்கப்படை ஊரைச் சேர்ந்த மாணவியை அதே பள்ளியில் பத்தாம் வகுப்பு படிக்கும் மாணவன் ஒரு தலையாக காதலித்ததாகவும், தொடர்ந்து மாணவிக்கு தொல்லை கொடுத்து வந்தாக கூறப்படும் நிலையில், பத்தாம் வகுப்பு படிக்கும் மாணவனின் காதலை ஏற்க மறுத்த மாணவியை, மாணவன் தகாத வார்த்தைகளால் திட்டி அதே பள்ளியில் பயிலக்கூடிய வேறொரு மாணவனுடன் தொடர்புபடுத்தி தவறான முறையில் சித்தரிக்கப்பட்டதால் மாணவி மனமுடைந்து பேருந்து நிறுத்தம் அருகில் இருக்கக்கூடிய கழிவறைக்கு சென்று விஷ மருந்தை உட்கொண்டதாகவும், அதனால் மாணவி மயக்க நிலைக்கு சென்றதால் அருகில் இருந்தவர்கள் மாணவியை 108 ஆம்புலன்ஸ் மூலம் சிவகங்கை அரசு மருத்துவக் கல்லூரி மருத்துவமனைக்கு கொண்டு வந்து தீவிர சிகிச்சை பிரிவில் அனுமதிக்கப்பட்டு சிகிச்சை பெற்று வருகிறார். இச்சம்பவம் குறித்து போலீசார் விசாரணை மேற்கொண்டு வருகின்றனர்.