பள்ளி மாணவி மாயம்- தாய் புகார்

கரூர் மாவட்டம் வேலாயுதம்பாளையம் காவல் நிலைய எல்லைக்குட்பட்ட புஞ்சை புகலூர் அருகே உள்ள ஒரு பகுதியை சேர்ந்தவர் 43 வயது மதிக்கத்தக்க பெண். இவரது மகள் 15 வயது சிறுமி. இவர் வேலாயுதம்பாளையம் பகுதியில் உள்ள அரசு மகளிர் உயர்நிலைப் பள்ளியில் பத்தாம் வகுப்பு படித்து வந்தார்.

இதனிடையே நவம்பர் மூன்றாம் தேதி காலை 9 மணி அளவில் பள்ளிக்கு சென்று வருவதாக கூறிச் சென்ற மாணவி வீடு திரும்பவில்லை. இதனால் அதிர்ச்சி அடைந்த அவரது தாயார், தனது மகள் வழக்கமாக செல்லும் இடங்களில் தேடி பார்த்தும், உறவினர்கள் வீட்டில் விசாரித்தும் எவ்வித தகவலும் கிடைக்காததால், இது குறித்து வேலாயுதம்பாளையம் காவல் நிலையத்தில், தனது மகளை காணவில்லை என புகார் அளித்தார். புகாரின் பேரில் போலீசார் மாணவியை தேடி வருகின்றனர்.