பள்ளி மாணவர்கள் ஆர்ப்பாட்டம்

திண்டுக்கல் அருகே பஸ் வசதி கேட்டு பள்ளி மாணவர்களுடன் இந்திய ஜனநாயக வாலிபர் சங்கத்தினர் ஆர்ப்பாட்டம் நடத்தினர்.

பேருந்து வசதி கேட்டு இந்திய ஜனநாயக வாலிபர் சங்கம் மற்றும் பள்ளி மாணவர்கள் இணைந்து திண்டுக்கல் அருகே உள்ள கிழக்கு மீனாட்சி நாயக்கன்பட்டி அரசு உயர்நிலைப்பள்ளி முன்பு கவன ஈர்ப்பு ஆர்ப்பாட்டம் நடைபெற்றது. அப்போது அவர்கள் கூறியதாவது: பஸ் வசதி இல்லாததால் மாணவர்கள் தொடர்ந்து அவதிப்படுகின்றனர். இதனால் ஆட்டோக்கள் மற்றும் பைக்குகளில் வர வேண்டிய அவல நிலை உள்ளது. இதில் தினமும் ஆட்டோவுக்கு பணம் கட்டி வர முடியவில்லை. இந்த அவலத்தைப் போக்க உடனடியாக பஸ் வசதியை ஏற்பாடு செய்ய வேண்டும் என்றனர்.