சர்வதேச அறிவியல் தினத்தை முன்னிட்டு அறிவியல் கண்காட்சி

திண்டுக்கல் மாவட்டம், கொடைக்கானல் அப்சர்வேட்டரியில் உள்ள வானிலை ஆராய்ச்சி நிலையத்தில் சர்வதேச அறிவியல் தினத்தை முன்னிட்டு பள்ளி மாணவர்களிடையே அறிவியல் மூலம் நம் நாட்டினை முன்னேற்றும் வகையில் அறிவியல் கண்காட்சி நடத்தப்பட்டது.

இந்நிகழ்ச்சியில் கொடைக்கானலில் உள்ள 23 பள்ளிகளை சேர்ந்த 200கும் மேற்பட்ட மாணவ, மாணவிகள் இதில் கலந்துகொண்டனர். இதில் அறிவியல் சார்ந்த பேச்சுபோட்டி, ஓவிய போட்டி, வினா விடை, மற்றும் செயல் விளக்கத்தோடு கூடிய இயந்திரங்கள் காட்சிப்படுத்தப்பட்டது. இந்நிகழ்ச்சியினை பள்ளி மாணவ மாணவியர்கள் மற்றும் சுற்றுலா பயணிகள் என 500க்கும் மேற்பட்டோர் பார்த்து ரசித்து சென்றனர்.