பிள்ளையார் குளத்தில் அம்மன் கோவிலுக்கு ‘சீல்' வைப்பு !

தென்காசி மாவட்டம் கரிவலம்வந்தநல்லூர் அருகே பிள்ளையார் குளத்தில் வடபத்திர காளியம்மன் கோவில் உள்ளது. இக்கோவிலில் மாசி திருவிழா நடைபெறுவதால் கொடை விழா நடத்துவது சம்பந்தமாக இருசமுதாயத்தினர் இடையே மோதல் ஏற்படும் அபாயம் இருந்தது. தகவல் அறிந்ததும் சங்கரன்கோவில் உதவி கலெக்டர் கவிதா, சம்பவ இடத்துக்கு சென்று விசாரணை நடத்தினார். பின்னர் கோவிலை பூட்டி 'சீல்' வைத்தார். இதனால் அங்கு பரபரப்பு ஏற்பட்டது. மேலும் அந்த பகுதியில் பலத்த போலீஸ் பாதுகாப்பு போடப்பட்டது.