மதுரை மருத்துவக் கல்லூரியில் வாக்கு இயந்திரங்களுக்கு சீல் வைப்பு

மதுரை நாடாளுமன்ற தொகுதிக்கு உட்பட்ட வாக்குச்சாவடி மையங்களில் இருந்து வாக்குப்பதிவு இயந்திரங்கள் பலத்த காவல்துறை பாதுகாப்புடன் மதுரை மருத்துவக் கல்லூரி பாதுகாப்பு அறையில் வைக்கப்பட்டது.

மதுரை நாடாளுமன்ற தொகுதிக்கு உட்பட்ட 542 வாக்குச்சாவடி மையங்களில் உள்ள 1573 வாக்கு சாவடிகளில் காலை 7 மணி முதலாக மாலை ஆறு மணி வரையும் நடைபெற்ற வாக்குப்பதிவில் 61.95% வாக்குப்பதிவு நடைபெற்ற நிலையில் வாக்குச்சாவடி மையங்களில் இருந்து வாக்குப்பதிவு இயந்திரங்கள் மற்றும் கட்டுப்பாட்டு இயந்திரங்கள் வாக்காளர் சரிபார்ப்பு இயந்திரங்கள் ஆகியவை முழுவதுமாக பூத் ஏஜெண்டுகள் முன்பாக சீல் வைக்கப்பட்டு துப்பாக்கி ஏந்திய காவல்துறை பாதுகாப்புடன் மதுரை மருத்துவக் கல்லூரியில் அமைக்கப்பட்ட வாக்கு எண்ணிக்கை மையத்திற்கு கொண்டுவரப்பட்டது.

இதனை அடுத்து மருத்துவக் கல்லூரி வளாகத்தில் அமைக்கப்பட்டுள்ள பாதுகாப்பு அறையில் வாக்குப்பதிவு இயந்திரங்கள் முழுவதுமாக வைக்கப்பட்டு சோதனைக்குப் பின்பாக ஒவ்வொரு அறைகளும் முழுவதிலும் சீல் வைக்கப்பட்டது இந்த அறைகள் சீல் வைக்கும் போது தேர்தல் நடத்தும் அலுவலர்கள் முகவர்கள் காவல்துறையினர் உள்ளிட்டோர் கையெழுத்திட்ட பின்பாக உறுதி செய்யப்பட்டு பாதுகாப்பு அறைகளுக்கு சீல் வைக்கப்பட்டன,

மதுரை மருத்துவக் கல்லூரி வாக்கு எண்ணிக்கை மையத்தில் வாக்கு பெட்டிகள் வைக்கும் பணியினை மாவட்ட தேர்தல் அலுவலர் சங்கீதா மற்றும் உதவி தேர்தல் அலுவலர்கள் ஷாலினி சக்திவேல் ஆகியோர் நேரில் பார்வையிட்டு பாதுகாப்பு ஏற்பாடுகள் குறித்து ஆய்வு நடத்தினர் மருத்துவக் கல்லூரி வளாக வாக்கு எண்ணிக்கை மையத்தில் வாக்குப்பதிவு இயந்திரங்கள் பாதுகாப்பாக வைக்கப்பட்ட நிலையில் கல்லூரி வளாகம் முழுவதிலும் 220க்கும் மேற்பட்ட சிசிடிவி கேமராக்கள் முழுவதுமாக கண்காணிக்கப்பட்டு வருகிறது.

மேலும் மதுரை நாடாளுமன்ற தொகுதிக்குட்பட்ட மேலூர், கொட்டாம்பட்டி, ஒத்தக்கடை, கருப்பாயூரணி, சக்கிமங்கலம், மற்றும் மாநகர் பகுதிகளில் உள்ள் ஒவ்வொரு வாக்குச்சாவடிகளிலும் இருந்து எடுத்துவரப்பட்ட வாக்கு பதிவு இயந்திரங்கள் பாதுகாப்பு அறையான ஸ்ட்ராங் ரூம் அறையில் வைக்கப்பட்டு சீல் இடப்பட்டது தேர்தல் வாக்கு எண்ணிக்கை நாளின்போது சீல் உடைக்கப்பட்டு வாக்கு பெட்டிகள் எடுக்கப்படும் அதுவரை முழுவதிலும்,

கேமராக்கள் மூலமாக கண்காணிக்கப்படுவதோடு ஒவ்வொரு ஸ்ட்ராங் ரூம் களில் முன்பாக துப்பாக்கி ஏந்திய மத்திய பாதுகாப்பு படை காவல்துறையினரும் மாநில காவல் துறையினரும் பாதுகாப்பு பணிகளில் ஈடுபடுவார்கள் நாள்தோறும் வாக்கு எண்ணிக்கை மையத்தை அரசியல் கட்சிகள் மற்றும் சுயேச்சை வேட்பாளர்கள் முகவர்கள் தினசரி பார்வையிடுவதற்கான ஏற்பாடுகள் செய்யப்பட்டுள்ளன மேலும் ஸ்ட்ராங் ரூம் முழுவதுமாக கண்காணிக்கப்படக்கூடிய சிசிடிவி கேமராக்கள்,

எல் இ டி திரையில் வெளியிடப்பட்டு வருகிறது கடந்த நாடாளுமன்றத் தேர்தலின்போது மதுரை வாக்கு எண்ணிக்கை மையத்தில் ஆவணம் கொண்டு செல்லப்பட்ட சம்பவத்தால் சர்ச்சை ஏற்பட்டது. இதன் காரணமாக ஏற்பட்ட குளறுபடியால் இந்த நாடாளுமன்றத் தேர்தலின்போது வாக்கு எண்ணிக்கை மையத்தில் கடுமையான பாதுகாப்பு அமல்படுத்தப்பட்டு முழுவதிலும் காவல்துறையினரின் கட்டுப்பாட்டிற்கு கொண்டுவரப்பட்டுள்ளது