செய்துங்கநல்லூர் சிவன் கோயிலில் வருசாபிசேகம்

தூத்துக்குடி மாவட்டம் செய்துங்கநல்லூரில் உள்ள பழமையான சிவகாமி சமேத பதஞ்சலி வியாக்கிரபாதீஸ்வரர் ஆலயத்தில் வருசாபிசேகம் நடந்தது. இதையொட்டி காலை 8.30 மணிக்கு விக்னேஷ்வரபூஜை, புன்யாகவாசனம், வேதிகார்ச்சனா, ஸ்ரீ ருத்ர ஹோமம் நடந்தது. காலை 10.30மணிக்கு விமான கோபுரம் , மூலவர் மற்றும் பரிவார மூர்த்திகளுக்கு வருஷாபிகேகம் நடந்தது. தொடர்ந்து மகா தீபாராதனை நடந்தது. இதில் ஏராளமான பக்தர்கள் கலந்துகொண்டனர். அதன் பின் மலை 7 மணிக்கு பஞ்ச மூர்த்திகள் புறப்பாடு திருவீதி உலா நடைபெற்றது. இதற்கான ஏற்பாடுகளை செய்துங்கநல்லூர் மற்றும் வி.கோவில்பத்து பதஞ்சலி வியாக்கிரபாதீஸ்வர் ஆன்மிக பேரரவை சார்பில் ஆலய அர்ச்சகர் முத்துராமன், அறங்காவலர் மாரியப்பன் ஆகியோர் செய்திருந்தனர்.