மண்ணுக்குள் புதைத்து வைத்து மது விற்பனை

குமரி மாவட்டம் புதுக்கடை சுற்றுவட்டார பகுதிகளில் அனுமதியின்றி மதுபானங்கள் விற்பனை செய்வதாக புகார்கள் உள்ளன. இந்த நிலையில் தேங்கா பட்டணம் பகுதியில் குறிப்பிட்ட இடத்தில் மது விற்பனை நடப்பதாக புதுக்கடை போலீஸ் தனிப்பிரிவு ஏட்டு ஜோஸ் என்பவருக்கு ரகசிய தகவல் கிடைத்தது. இதையடுத்து போலீசார் அந்த பகுதியில் சோதனை நடத்தினர். அப்போது பண்டார விளை பகுதியில் சந்திரன் என்பவர் அனுமதியின்றி மது விற்பனை செய்வது கண்டு பிடிக்கப்பட்டது . தொடர் சோதனையில் அந்த பகுதியில் குழி தோண்டி மண்ணுக்குள் மறைத்து வைத்திருந்த 100 பாட்டில் மதுபானங்கள் பறிமுதல் செய்யப்பட்டு, போலீஸ் நிலையம் கொண்டு வந்தார். புதுக்கடை போலீசார் வழக்கு பதிவு செய்து விசாரித்து வருகின்றனர்.