செங்கம் : வயதான தம்பதியிடம் நகை திருட்டு - 2 பேர் கைது

திருவண்ணாமலை மாவட்டம் செங்கம் அடுத்த பக்கிரிப்பாளையம் கிராமத்தைச் சேர்ந்த வயதான தம்பதிகள் சுபான், அஸ்மத் பீ(80). இவர்களிடம் ஒரு கணவன் மனைவி இருவரும் நாடி ஜோதிடம் பார்பதாக கூறி வந்து ஏமாற்றி ஒரு பவுன் தங்க நகையை கொள்ளை அடித்துச் சென்றுள்ளனர். பிறகு ஏமாற்றப்பட்டதை அறிந்த சுபான் செங்கம் காவல் நிலையத்துக்கு தகவல் தெரிவித்ததன் பேரில் போலீஸார் வயதான தம்பதிகளை ஏமாற்றிய திருவண்ணா மலை பாபாஜி நகரைச் சேர்ந்த முருகன்(42) லட்சுமி(32) ஆகிய இருவரையும் கைது செய்து வழக்குபதிவு செய்து சிறையில் அடைத்தனர்.