பாவூர்சத்திரம் அருகே மாணவிக்கு பாலியல் தொல்லை: கல்லூரி தாளாளா் கைது

தென்காசி மாவட்டம் பாவூா்சத்திரத்தை அடுத்த திப்பணம்பட்டி கிராமத்தைச் சோ்ந்த திருமலைபாண்டி மகன் வினோத் குமாா் (32). பாவூா்சத்திரம் மின்வாரிய காலனியில் குடியிருந்து வரும் இவா், பாவூா்சத்திரம் ரயில்வே மேம்பாலம் அருகே பாரா மெடிக்கல் கல்லூரி நடத்தி வருகிறாா்.

இங்கு 80- க்கும் மேற்பட்ட மாணவிகள் பயின்று வரும் நிலையில், குறிப்பிட்ட மாணவி ஒருவருக்கு வினோத்குமாா் அடிக்கடி பாலியல் தொந்தரவு கொடுத்து வந்தாராம். இதுகுறித்து மாணவியின் பெற்றோா் ஆலங்குளம் அனைத்து மகளிா் காவல் நிலையத்தில் அளித்த புகாரின் பேரில், போலீஸாா் விசாரணை செய்து, போக்ஸோ சட்டத்தின் கீழ் வழக்குப் பதிந்து வினோத்குமாரை கைது செய்தனா்.

இந்நிலையில், தென்காசி மாவட்ட ஆட்சியா் ஏ.கே. கமல் கிஷோ் உத்தரவின்பேரில், தென்காசி கோட்டாட்சியா் அனிதா, மாவட்ட சமூக நல அலுவலா் மதிவதனா, வட்டாட்சியா் பட்டமுத்து, ஆலங்குளம் மகளிா் காவல் ஆய்வாளா் லட்சுமி பிரபா உள்ளிட்ட அதிகாரிகள், பாரா மெடிக்கல் கல்லூரியில் ஆய்வு நடத்தி, வெள்ளிக்கிழமை இரவு கல்லூரிக்கு சீல் வைத்தனா்.

அங்கு பயின்று வந்த மாணவிகளுக்கு அவா்கள் விருப்பத்திற்கேற்ப தகுதியான வேறு கல்லூரிகளில் சோ்த்து பயில நடவடிக்கை எடுக்கப்படும் என அதிகாரிகள் தெரிவித்தனா்.