சிறுமி பாலியல் துன்புறுத்தல்; போக்சோவில் ஒருவர் கைது

விருதுநகர் மாவட்டம் ஸ்ரீவில்லிபுத்தூரில் இயற்கை உபாதை கழிக்க சென்ற சிறுமியிடம் பாலியல் சீண்டலீல் ஈடுபட்ட நபரை போக்சோ சட்டத்தின் கீழ் கைது செய்து சிறையில் அடைத்தனர் .கடந்த 3 மாதங்களுக்கு முன்பு ஸ்ரீவில்லிபுத்தூர் அருகே வத்திராயிருப்பு தாலுகாவிற்கு உட்பட்ட அயன்கரிசல் குளம் பகுதியைச் சேர்ந்த 11 வயது சிறுமி இயற்கை உபாதையை கழிக்க செல்லும் போது அதே பகுதியைச் சேர்ந்த காளிமுத்து என்ற நபர் சிறுமியிடம் பாலியல் சீண்டலில் ஈடுபட்டதாக சிறுமியின் தாயார் கொடுத்த புகாரின் பெயரில் காளிமுத்து என்ற நபரை ஸ்ரீவில்லிபுத்தூர் அனைத்து மகளிர் காவல் நிலைய போலீசார் போக்சோ சட்டத்தின் கீழ் கைது செய்து சிறையில் அடைத்தனர்.

முன்னதாக சிறுமியிடம் பாலியல் சீண்டலில் ஈடுபட்ட நபர் இச்சம்பவம் குறித்து யாரிடம் தெரிவித்தால் கொலை செய்து விடுவேன் என்று மிரட்டியதால் சிறுமி கடந்த 3 மாத காலமாக நடந்த சம்பவம் குறித்து வெளியில் சொல்லவில்லை. இதனையடுத்து சென்னையில் வேலை பார்த்து வந்த சிறுமியின் தந்தை சொந்த ஊருக்கு திரும்பிய நிலையில் சிறுமி தன் தந்தையிடம் நடந்த சம்பவத்தை கூறியதாக தெரிகிறது. அதனைத் தொடர்ந்து சிறுமியின் தாய் கொடுத்த புகாரின் அடிப்படையில் காவல்துறையினர் வழக்கு பதிவு செய்து காளிமுத்துவை கைது செய்து மருத்துவ பரிசோதனைக்கு உட்படுத்தப்பட்டு போக்சோ நீதிமன்றத்தில் ஆஜர் படுத்தி விருதுநகரில் உள்ள மாவட்ட சிறையில் அடைத்தனர்.