சக்தி காளியம்மன் கோவில் சித்திரை திருவிழா

மதுரை மாவட்டம், விக்கிரமங்கலம் அருகே, முதலைக்குளம் ஊராட்சிக்கு உட்பட்ட கீழ பட்டியில் அருள்மிகு ஸ்ரீ சக்தி காளியம்மன் கோவில் சித்திரை திருவிழா நடைபெற்றது. திருவிழாவை முன்னிட்டு, நேற்று காலை பால்குடம் எடுத்து பக்தர்கள் காளியம்மனுக்கு அபிஷேக ஆராதனைகள் செய்தனர். தொடர்ந்து, அன்னதானமும் நடைபெற்றது.

இரவு சக்தி கரகம் எடுத்தல் தீச்சட்டி எடுத்தல் மற்றும் ஆயிரம் கண் பானை எடுத்து வரும் நிகழ்ச்சி நடைபெற்றது. இரவு முளைப்பாரி எடுத்து பெண்கள் ஊர்வலமாக வந்து கும்மி பாட்டு பாடி தங்கள் வேண்டுதலை நிறைவேற்றினர். இரவு, மதுரை ராஜேஸ்வரி குழுவினரின் கும்மி பாட்டு நிகழ்ச்சி நடைபெற்றது. தொடர்ந்து, இன்று காலை பொங்கல் வைத்து சக்தி கிடா வெட்டுதல்நடைபெற்று சக்தி கரகம் முளைப்பாரி கரைத்தல் நிகழ்ச்சி நடைபெற்றது.