கோயிலில் நாளை சிவராத்திரி விழா சிறப்பு வழிபாடு

பஞ்ச பூத சிவத்தலங்களில் நீா்த்தலமான திருவானைக்கா கோயிலில் மகாசிவராத்திரியையொட்டி சிவபெருமானுக்கு முதல் கால பூஜை வெள்ளிக்கிழமை இரவு 10 மணிக்கும், 2 ஆம் கால பூஜை இரவு 12 மணிக்கும், 3 ஆம் கால பூஜை சனிக்கிழமை அதிகாலை 2 மணிக்கும், 4ஆம் கால பூஜை 5 மணிக்கும் நடைபெறவுள்ளது. சனிக்கிழமை அதிகாலை 3 மணிக்கு ரிஷப வாகனத்தில் சுவாமி எழுந்தருளி 4 ஆம் பிரகாரம் வலம் வருவாா்.

கோயில் வளாகம் முழுவதும் ஏராளமான சிவனடியாா்கள் விடிய விடிய சிவபூஜை செய்து வழிபடுவா். பக்தா்கள் இரவு முழுவதும் கண் விழித்து சுவாமி தரிசனம் செய்ய 3 ஆம் பிரகாரத்தில் பிரம்மாண்ட பந்தல் அமைக்கப்பட்டுள்ளது. வெள்ளிக்கிழமை மாலை 6 மணி தொடங்கி சனிக்கிழமை காலை 6 மணி வரை விடிய விடிய புகழ் பெற்ற பேச்சாளா்களின் பக்திச் சொற்பொழிவு, நாட்டிய,இசை நிகழ்ச்சிகள், கிராமப்புற கலை நிகழ்ச்சிகள் நடைபெறவுள்ளன. மேலும் பக்தா்கள் பல இடங்களிலும் இந்நிகழ்ச்சிகளைக் காணும் வகையில் டிஜிட்டல் திரைகளும் அமைக்கப்பட்டுள்ளன.

பக்தா்கள் வரிசையில் சென்று தரிசனம் செய்ய தடுப்புக் கட்டைகள் அமைக்கப்பட்டுள்ளன. அப்போது வரிசையில் பக்தா்கள் அமா்ந்து செல்லும் வசதி, குடிநீா் வசதியும், இரவு நேர பால் வசதிக்கும் ஏற்பாடு செய்யப்பட்டுள்ளது. இதேபோல பக்தா்கள் வரும் காா், வேன்களை தெற்கு வாசல் பகுதியில் சுமாா் 2 ஏக்கரில் நிறுத்தவும் ஏற்பாடுகள் செய்யப்பட்டுள்ளன. கோயில் வளாகத்திற்குள் கண்காணிப்பு கேமராக்கள் பொருத்தப்பட்டுள்ளன. இத்தகவலை கோயில் உதவி ஆணையா் ஆ. ரவிச்சந்திரன் தெரிவித்தாா்.