ஆம்னி பஸ் மோதி எஸ்.ஐ படுகாயம்

புதுக்கோட்டை மாவட்டம் விராலிமலை ஒன்றியம் மண்டையூர் போலீஸ் ஸ்டேஷனில் சப் இன்ஸ்பெக்டராக பணிபுரிபவர் ராமச்சந்திரன் 59. இவர் இரவு ரோந்து பணியில் ஈடுபட்டிருந்தார். திருச்சி- புதுக்கோட்டை சாலையில் வந்தபோது எதிரே தேவகோட்டையில் இருந்து சென்னை நோக்கி சென்ற தனியார் ஆம்னி பஸ் திடீரென கட்டுப்பாட்டை இழந்து சாலையின் நடுவே உள்ள தடுப்பு கட்டையில் மோதி மறுபுறம் சென்ற பைக் மீது மோதியது. இதில் படுகாயம் அடைந்த சப் இன்ஸ்பெக்டர் ராமச்சந்திரன் திருச்சியில் உள்ள தனியார் மருத்துவமனையில் அனுமதிக்கப்பட்டார். இது குறித்து மண்டையூர் போலீசார் வழக்கு பதிந்து விசாரணை நடத்தி வருகின்றனர்.