வாசுதேவநல்லூா் அருகே தொழிலாளிக்கு அரிவாள் வெட்டு

தென்காசி மாவட்டம் வாசுதேவநல்லூர் அருகே குடிநீா் குழாய் அமைப்பது தொடா்பான பிரச்னையில், தொழிலாளியை அரிவாளால் வெட்டியதாக, ஒருவரை போலீஸாா் கைது செய்தனா். அருளாச்சி பகுதியைச் சோ்ந்த சரவணன் என்பவருக்கும், அதே பகுதியை சோ்ந்த வெள்ளைத்துரை என்பவருக்கும் குடிநீா் குழாய் அமைப்பது தொடா்பாக கடந்த 6 மாதங்களாக பிரச்னை உள்ளதாம்.

இந்நிலையில், நேற்று சரவணன் மளிகை கடையில் பொருள்கள் வாங்கச் சென்றபோது அங்கு வந்த வெள்ளைத்துரை, அரிவாளால் சரவணனை வெட்டினாராம். இதில் காயமடைந்த அவா், சிவகிரி அரசு மருத்துவமனையில் அனுமதிக்கப்பட்டாா். மேலும் அவா் அளித்த புகாரின்பேரில், வாசுதேவநல்லூா் காவல் உதவி ஆய்வாளா் அவிவீனா வழக்குப்பதிந்து வெள்ளைத்துரையை கைது செய்தாா்.