அரசு கலைக் கல்லூரியில் அடிப்படை வசதிகள் கேட்டு கையெழுத்து இயக்கம்

சேலம் அரசு கலைக் கல்லூரியில் சுகாதாரமான குடிநீர், சுத்தமான கழிவறை, உள்ளிட்ட அடிப்படை வசதிகள் செய்து தர வலியுறுத்தி இந்திய மாணவர் சங்கம் சார்பில் மாணவ, மாணவிகளிடையே கையெழுத்து இயக்கம் நடைபெற்றது. இந்த கையெழுத்து இயக்கத்தில் அரசு கலைக் கல்லூரி மாணவர் சங்கத்தின் கிளைத் தலைவர் கீர்த்திவாசன் தலைமை தாங்கினார். இந்த கையெழுத்து இயக்கத்தை மாவட்ட செயலாளர் பவித்ரன் மற்றும் மாவட்ட துணை செயலாளர் டார்வின் ஆகியோர் கையெழுத்திட்டு துவக்கி வைத்தனர். இதில் கிளை துணை செயலாளர் அபிராமி, கிளை செயலாளர்கள் கோகுல், துணைச் செயலாளர் திவ்யா, துணைத் தலைவர் பிரியதர்ஷினி மற்றும் பல்வேறு மாணவ, மாணவிகள் கலந்து கொண்டனர்.