கம்பம் சுற்றி ஆடிய அதிமுக வேட்பாளர் சிங்கை ராமச்சந்திரன்!

கோவை சிங்காநல்லூர் வரதராஜபுரம் பகுதியில் உள்ள மாரியம்மன் கோவில் திருவிழா நடைபெற்று வருகிறது. திருவிழாவில் நூற்றுக்கணக்கான பக்தர்கள் தீச்சட்டி ஏந்தியும் பால்குடம் எடுத்தும் நேர்த்திக்கடன் செலுத்துவது வழக்கம்.அதே போல் திருவிழா துவங்கி முடியும் வரை ஒவ்வொரு நாளும் கம்பம் சுற்றி ஆடும் நிகழ்வும் வழக்கமாக நடைபெற்று வருகிறது. இந்நிலையில் நேற்றைய தினம் நடைபெற்ற கம்பம் சுற்றி ஆடும் நிகழ்வில் கோவை மக்களவை தொகுதி அதிமுக வேட்பாளர் சிங்கை ராமச்சந்திரன் கலந்து கொண்டு தீச்சட்டி ஏந்தி கம்பம் சுற்றி பக்தி பரவசத்துடன் நடனம் ஆடினார்.இதனை அவரது வலைதள பக்கங்களில் பதிவிட்டுள்ளார்.