சிவகங்கை மாவட்டத்தில் 20 செ.மீ மழை பதிவு

சிவகங்கை மாவட்டத்தில் கனமழை பெய்ய வாய்ப்புள்ளதாக வானிலை ஆய்வு மையம் அறிவித்துள்ள நிலையில் மாவட்டம் முழுவதும் பல்வேறு இடங்களில் மழை கொட்டி தீர்த்து வருகிறது. மேலும் சிவகங்கை மாவட்ட பள்ளிகளுக்கு விடுமுறையும் அளித்து மாவட்ட ஆட்சியர் ஆஷா அஜித் உத்தரவிட்டுள்ளார். இந்நிலையில் நேற்று காலை 6 மணி முதல் இன்று காலை 6 மணி வரை கடந்த 24 மணி நேரத்தில் சிவகங்கையில் 19.20 மி.மீ மானாமதுரையில் 43 மி.மீ, இளையான்குடியில் 54 மி.மீ, திருப்புவனத்தில் 36 மி.மீ, திருப்பத்தூரில் 2 மி.மீ, காரைக்குடியில் 6 மி.மீ, தேவகோட்டை 11.60 மி.மீ, காளையார்கோவிலில் 26.20, சிங்கம்புணரியில் 2.40 மி.மீட்டரும் மாவட்டத்தில் மொத்தமாக 200.40 மி.மீட்டரும் மழை பெய்துள்ளதாக மாவட்ட நிர்வாகம் சார்பில் தெரிவிக்கப்பட்டுள்ளது