பெண்ணுக்கு கொலை மிரட்டல் - தம்பதி உட்பட 3 பேர் மீது வழக்கு

விருதுநகர் மாவட்டம், சிவகாசி அருகே உள்ள ஹவுசிங் போர்டு பகுதியில் வசித்து வருபவர் முத்துமாரியப்பன் மனைவி தெரசா (43).இவரது கணவர் துபாயில் வேலை செய்து வருகின்றார்.தெரசா தன் வீட்டு அருகே வேப்பமர இலைகளை தீயிட்டு கொளுத்தியதால் பக்கத்து வீட்டிற்குள் புகைமூட்டம் சென்றுள்ளது.இதில் ஏற்பட்ட தகராறில் ரமேஷ் (25) அவரது மனைவி கௌசல்யா (22) உறவினர் சத்தியா (41) ஆகிய 3 பேரும் தெரசாவை அவமரியாதையாக பேசி கொலை மிரட்டல் விடுத்து உள்ளனர்.இது குறித்து தெரசா கொடுத்த புகாரின் பேரில் 3பேர் மீதும் திருத்தங்கல் போலீசார் வழக்கு பதிவு செய்து விசாரித்து வருகின்றனர்.