சற்று குறைந்த பாமாயில், துவரை விலை

விருதுநகர் சந்தையில் வாரந்தோறும் அத்தியவாசிய உணவுப் பொருட்களின் விலைப் பட்டியல் வெளியிடப்பட்டு வருகிறது. அதன் விபரம் வருமாறு : பாமாயில் கடந்த வாரம் 15 கிலோ ரூ.1360 என விற்கப்பட்டது. இந்த வாரம் டின் ஒன்றுக்கு ரூ.20 வரை குறைந்துள்ளது. எனவே, ரூ.1340க்கு விற்கப்படுகிறது. குண்டூர் வத்தல் ஏ.சி விலை 100 கிலோ கடந்த வாரம் ரூ.20ஆயிரம் முதல் 22 ஆயிரம் வரை விற்கப்பட்டது. இந்த வாரம் சற்று விலை குறைந்துள்ளது. எனவே குவிண்டால் ஒன்று ரூ.20ஆயிரம் முதல் 21 ஆயிரம் வரை விற்பனையாகிறது.

துவரம் பருப்பு நயம் புதுஸ் லையன் வகையானது கடந்த வாரம் 100 கிலோ ரூ.14,200 என விற்கப்பட்து. இந்த வாரம் மூட்டை ஒன்றுக்கு ரூ.200 வரை குறைவு ஏற்பட்டுள்ளது. எனவே, குவிண்டால் ஒன்று ரூ.14 ஆயிரத்திற்கு விற்பனையாகிறது. கடலை புண்ணாக்கு 100 கிலோ ரூ.5700 என விற்கப்பட்டது. இந்த வாரம் ரூ.100 குறைந்துள்ளது. எனவே, மூட்டை ஒன்று ரூ.5600 என விற்கப்படுகிறது. பிற உணவுப் பொருட்களின் விலையில் எவ்வித மாற்றமும் ஏற்படவில்லை.