சொகுசு காரை அரிவாளால் அடித்து நொறுக்கி சூறையாடிய நபர்

கன்னியாகுமரி மாவட்டம் கருங்கல் அருகே பெருமாங்குழி பகுதியை சேர்ந்தவர் அருள் டென்னிஸ். இவரது மனைவி விஜி. இவரது வீட்டின் அருகாமையில் உள்ள வாலிபர் ஒருவர் இரவு அவர்களிடம் தகராறு ஈடுபட்டுள்ளார். இந்த நிலையில் உறவினர் ஒருவர் சொகுசு காரில் விஜியின் வீட்டிற்கு வந்துள்ளார்.பின்னர் அவர் காரை சாலையோரம் நிறுத்தி உள்ளார். அப்போது அங்கு தகராறு ஈடுபட்டிருந்த அந்த நபர் வீட்டில் இருந்த அரிவாளை எடுத்து சொகுசு காரின் அனைத்து கண்ணாடிகளையும் உடைத்ததுடன் காரின் அனைத்து பகுதிகளிலும் தாறுமாறாக வெட்டி முழுமையாக சேதப்படுத்தி காரை சூறையாடி உள்ளார். மேலும் தட்டி கேட்டவர்களுக்கு கொலை மிரட்டல் விடுத்து அங்கிருந்து சென்றுள்ளார். இதை அடுத்து அந்த வாலிபர் மீது நடவடிக்கை எடுக்க கோரி விஜி கருங்கல் காவல் நிலையத்தில் புகார் அளித்தார். இந்த புகாரின் பேரில் போலீசார் விசாரணை நடத்தி அந்த நபரை தேடி வருகின்றனர்.