கேரளாவிற்கு ரேஷன் அரிசி கடத்தல் - 3 பேர் கைது, 700 கிலோ பறிமுதல்

கன்னியாகுமரி மாவட்ட உணவு பொருள் கடத்தல் தடுப்பு பிரிவு சப் இன்ஸ்பெக்டர் துரை மற்றும் போலீசார் நேற்று தடிக்காரன்கோணம் பகுதியில் வாகன சோதனையில் ஈடுபட்டனர். அப்போது அந்த வழியாக சென்ற காரை தடுத்து நிறுத்தி சோதனை செய்தனர். சோதனையில் அந்த காரில் 700 கிலோ ரேஷன் அரிசி இருந்தது கண்டுபிடிக்கப்பட்டது. அதை அனுமதியின்றி கேரளாவுக்கு கடத்த முயன்றதும் தெரிய வந்தது. இதை அடுத்து ரேஷன் அரிசி மூடைகளை போலீசார் பறிமுதல் செய்து வட்ட வழங்கல் அலுவலர்களிடம் ஒப்படைத்தனர். மேலும் ரேஷன் அரிசி கடத்தல் செய்த அதே பகுதியை சேர்ந்த வில்சன், செல்வகுமார், ஜெபராஜ் ஆகிய 3 பேரை போலீசார் கைது செய்தனர்.