காங்கிரஸ் கட்சியில் சமூக ஆர்வலர்கள் மற்றும் இளைஞர்கள் இணைப்பு விழா

திண்டுக்கல் அருகே காங்., கட்சியில் இணைத்துக் கொண்ட தொண்டர்களுக்கு பாராட்டு தெரிவிக்கப்பட்டது. காங்கிரஸ் கட்சியில் சமூக ஆர்வலர்கள் மற்றும் இளைஞர்கள் இணைப்பு விழா திண்டுக்கல்லில் நடந்தது. இதற்கு மேற்கு மாவட்ட துணைத் தலைவர் தங்கவேல் தலைமை தாங்கினார். இதில் பாரதிய ஜனதா கட்சியின் மாவட்ட வழக்கறிஞர் பிரிவு செயலாளர் வழக்கறிஞர் பெருமாள் காங்கிரஸ் கட்சியில் தன்னை இணைத்துக் கொண்டார்.இதில் மாநில பொதுக்குழு உறுப்பினர் மணிவண்ணன், மேற்கு மாவட்ட எஸ்.சி.பிரிவு பொதுச்செயலாளர் கூம்பூர் கிருஷ்ணசாமி,மாநகர் மாவட்ட துணை தலைவர் பொட்டு செல்வம்,மேற்கு மாவட்டச் செயலாளர் வடிவேல் மற்றும் நிர்வாகிகள் மற்றும் பலர் கலந்து கொண்டனர்.