தென்னிந்திய பத்திரிகையாளர் சங்க ஆலோசனை கூட்டம்

சேலம் மாவட்டம், ஓமலூர் அருகே உள்ள சேலம் பெங்களூர் தேசிய நெடுஞ்சாலை ஓரமுள்ள தனியார் ஹோட்டலில் தென்னிந்திய பத்திரிகையாளர்கள் சங்க நிர்வாகிகள் ஆலோசனைக் கூட்டம் மாநில துணைச்செயலாளர் சதீஷ் தலைமையில் இன்று நடைபெற்றது. சேலம் மாவட்ட ஒருங்கிணைப்பாளர் விஜயகுமார் ஏற்பாட்டில் நடைபெற்ற இந்த நிகழ்ச்சியில் மாநில தலைவர் விஜய்ஷங்கர் மற்றும் மாநில செயலாளர் பிரபு உள்ளிட்ட பத்திரிக்கை வெளியிட்டார்கள், பத்திரிகை ஆசிரியர்கள் மற்றும் சங்கத்தின் மாநில பொறுப்பாளர்கள் என பலர் கலந்து கொண்டனர்.

இந்த நிகழ்ச்சியில் சிறுகுறு பத்திரிக்கையாளர்கள் மற்றும் பத்திரிகை நிறுவனங்களை ஆதரிக்கும் நோக்கில் சங்கத்தின் சார்பாக ஆங்காங்கே பிரிண்டிங் பிரஸ் உருவாக்கப்படும் எனவும், அப்படி உருவாக்கிய பிரிண்டிங் பிரஸ் மூலம் அணைத்து சிறுகுறு பத்திரிக்கையாளர்கள் மற்றும் நிறுவனங்கள் அவரவர் பத்திரிக்கைகளை அச்சிட்டு பயன்பெறும் வகையில் ஏற்பாடுகள் செய்யப்படும் என தீர்மானங்கள் நிறைவேற்றப்பட்டது குறிப்பிடத்தக்கது ஆகும்.