பஞ்சமுக ஆஞ்சநேயருக்கு சிறப்பு அபிஷேகம்

சிவகங்கை மாவட்டம், சொக்கநாதபுரம் கிராமத்தில் அமைந்துள்ள அருள்மிகு ஸ்ரீ பிரித்திங்கரா தேவி அம்மன் திருக்கோவிலில், தனி சன்னதியில் அருள் பாலிக்கும் பஞ்சமுக ஆஞ்சநேயர் சுவாமிக்கு ஜெயந்தி திருநாளை முன்னிட்டு சிறப்பு அபிஷேக அலங்கார ஆராதனைகள் நடைபெற்றது. முன்னதாக ஶ்ரீ பிரித்திங்கரா தேவி அம்மனுக்கு சிறப்பு பூஜைகளும், கற்பூர ஆராதனைகளும் காண்பிக்கப்பட்டன. தொடர்ந்து தனி சன்னதியில் ஶ்ரீ சிவசக்தி தேவியருடன் அருள் பாலிக்கும் ஸ்ரீ ஆஞ்சநேய சுவாமிக்கு பல்வேறு நறுமன திரவியங்கள் கொண்டு சிறப்பு அபிஷேகங்கள் நடைபெற்றன. இதனை அடுத்து சிறப்பு பூஜைகள் நடைபெற்று பஞ்சமுக கற்பூர ஆராதனை காண்பிக்கப்பட்டன. இதில் ஏராளமான பக்தர்கள் கலந்து கொண்டு பஞ்சமுக ஆஞ்சநேயர் சுவாமியை வழிபட்டனர்.