சமூகநலத்திட்டங்களைப் பெற சிறப்பு முகாம்கள் - மா.கம்யூ., கோரிக்கை

தமிழ்நாடு அரசு பல்வேறு மக்கள் நலத் திட்டங்களைச் செயல்படுத்தி வருகிறது. அதில், சமூக நலத்துறையின் கீழ் செயல் படுத்தப்படும் திட்டங்களில் ஏராளமானோர் பயன் பெற்று வருகின்றனர். சமூக நலத்துறையின் சார்பில் வழங்கப்படும் திட்டங்களை மக்களிடம் கொண்டு சேர்க்க, திருப்பூர் மாநகராட்சி 1- வது மண்டலத்துக்குட்பட்ட வேலம்பாளையம், அனுப்பர்பாளையம், ரங்கநாதபுரம், பெரியார் காலனி உள்ளிட்ட பகுதிகளில், குறிப்பிட்ட கால இடைவெளியில், சிறப்பு முகாம்களை நடத்தி, ஏழை - எளிய மக்கள் பயன்பெறும் வகையில் அமைய வேண்டும் என்பதை வலியுறுத்தி மாவட்ட ஆட்சியரின் நேர்முக உதவியாளரிடம் , மார்க்சிஸ்ட் கம்யூனிஸ்ட் கட்சியின் மாவட்டச் செயற்குழு உறுப்பினர் கே.ரங்கராஜ், நகரச் செயலாளர் ச.நந்தகோபால், நகரக் குழு உறுப்பினர் ஆர்.சுகுமார் ஆகியோர் மனு அளித்தனர்.