தமுமுக சார்பில் மழை வேண்டி சிறப்பு தொழுகை !

கோவை: தமிழகம் முழுவதும் தற்போது கோடை வெயில் வாட்டி வருகிறது.இதில் கோவை மாவட்டத்தில் 100 டிகிரி பாரன்ஹீட் வெப்பநிலையை தொடும் அளவில் கோவை இருந்து வருகிறது.

இந்நிலையில் தமிழ்நாடு முஸ்லிம் முன்னேற்ற கழகத்தின் இஸ்லாமிய பிரச்சார சபை சார்பில் தமிழகத்தின் பல்வேறு பகுதிகளில் மழை வேண்டி சிறப்பு தொழுகை நிகழ்ச்சி நடத்தப்பட்டு வரும் நிலையில் அதன் ஒரு பகுதியாக கோவை கரும்புக்கடை சாரமேடு பகுதியில் இன்றைய தினம் சிறப்பு தொழுகை நிகழ்வு நடத்தப்பட்டது.

இதில் 500 க்கும் மேற்பட்டோர் கலந்து இறைவனை வழிபட்டனர். மௌலவி யூனுஸ் ஃபிர்தெளசி தலைமையில் நடைபெற்ற இந்த சிறப்பு தொழுகைக்கு பின்னர் அதில் கலந்து கொண்டவர்களுக்கு மரக்கன்றுகளும் வழங்கப்பட்டது.