சித்ரா பவுர்ணமியையொட்டி கோட்டை மாரியம்மன் கோவிலில் சிறப்பு வழிபாடு

சித்ரா பவுணர்மியையொட்டி சேலம் கோட்டை மாரியம்மன் கோவிலில் நேற்று காலை 11 மணிக்கு அம்மனுக்கு பல்வேறு திரவியங்களால் அபிஷேகம் செய்யப்பட்டது. பின்னர் அம்மனுக்கு சிறப்பு பூஜை நடைபெற்றது.

மேலும் தங்க கவசத்தில் அம்மன் பக்தர்களுக்கு அருள்பாலித்தார். இதையடுத்து மதியம் 1 மணிக்கு அன்னதானம் வழங்கப்பட்டது. தொடர்ந்து 4 மணிக்கு திருவிளக்கு பூஜையும், இரவு 7 மணிக்கு தங்கரத புறப்பாடு மற்றும் பக்திபாடல் நிகழ்ச்சி ஆகியவை நடந்தது. 7.45 மணிக்கு ஊஞ்சல் உற்சவம் நடைபெற்றது. இதற்கான ஏற்பாடுகளை அறங்காவலர் குழு தலைவர் சக்திவேல், செயல் அலுவலர் அமுதசுரபி மற்றும் பலர் செய்திருந்தனர்.