தலைவாசல் அரசு பள்ளியில் விளையாட்டு விழா

கெங்கவல்லி:சேலம் மாவட்டம் கெங்கவல்லி வட்டம் தலைவாசல் ஒன்றியம் ஊனத்தூர் ஊராட்சியில் உள்ள அரசு மேல்நிலைப்பள்ளி ஆண்டு விழா, விளையாட்டு விழா நடைபெற்றது. தலைமை ஆசிரியர் வெற்றிச்செல்வன் தலைமை தாங்கினார்.

முன்னாள் எம். எல். ஏ. குணசேகரன், ஊனத்தூர் ஊராட்சி தலைவர் மோகன்ராஜ், தலைவாசல் ஒன்றியக்குழு துணைத்தலைவர் அஞ்சலை, அட்மா குழு உறுப்பினர் பாலமுருகன், பெற்றோர் ஆசிரியர் கழக தலைவர் சுப்பிரமணி ஆகியோர் முன்னிலை வகித்தனர். பள்ளி மேலாண்மை குழு தலைவர் விஜயா வரவேற்று பேசினார். விழாவில் பல்வேறு போட்டிகளில் வெற்றி பெற்ற மாணவ, மாணவிகளுக்கு முன்னாள் எம். எல். ஏ. சின்னதுரை பரிசு வழங்கி பாராட்டி பேசினார். இதில் ஆசிரிய, ஆசிரியைகள், மாணவ, மாணவிகள், பெற்றோர்கள் கலந்து கொண்டனர்.