திண்டுக்கல் கலை மற்றும் அறிவியல் கல்லூரியில் விளையாட்டு விழா

திண்டுக்கல்லை அடுத்த ஆர்.எம்.டி.சி. காலனி அருகே உள்ள திரு இருதய கலை மற்றும் அறிவியல் கல்லூரியில் விளையாட்டு விழா சிறப்பாக நடைபெற்றது. இதற்கு கல்லூரி முதல்வர் முனைவர் இன்னாசிமுத்து தலைமை தாங்கினார்.இவ்விழாவிற்கு சிறப்பு விருந்தினராக கொசவபட்டி, புனித அந்தோனியார் மேல்நிலைப்பள்ளி தலைமை ஆசிரியர் செல்வநாயகம் கலந்து கொண்டார்.

சுப்பீரியர் ஞானப்பிரகாசம், வளாக ஆலோசகர் லூர்து ராஜ், விடுதி இயக்குனர் ஆரோக்கியசாமி, ஆகியோர் முன்னிலை வகித்தனர். முன்னதாக தமிழ் துறை பேராசிரியர் சண்முகம் வரவேற்புரை வழங்கினார். இதில் பேராசிரியர்கள் மற்றும் மாணவர்கள் ஏராளமானோர் கலந்து கொண்டனர். விளையாட்டுப் போட்டிகளில் வெற்றி பெற்ற மாணவ மாணவியருக்கு பதக்கங்களும் சான்றுகளும் வழங்கப்பட்டது.