ஏனங்குடி அரசு மேல்நிலைப் பள்ளியில் விளையாட்டு விழா

நாகை மாவட்டம் திருமருகல் ஒன்றியம் ஏனங்குடி அரசு மேல்நிலைப் பள்ளியில் விளையாட்டு விழா,இலக்கிய மன்ற விழா,ஆண்டு விழா உள்ளிட்ட முப்பெரும் விழா நடைபெற்றது.நிகழ்ச்சிக்கு பள்ளியின் தலைமை ஆசிரியர் குமார் தலைமை தாங்கினார்.

மேலாண்மை குழு தலைவர் ரியாஸ்பர்வின், பெற்றோர் ஆசிரியர் சங்க தலைவர் ஜெகபர் சாதிக் ஆகியோர் முன்னிலை வகித்தனர்.சிறப்பு அழைப்பாளர்களாக மாவட்ட முதன்மை கல்வி அலுவலர் சுபாஷினி,மாவட்ட கல்வி அலுவலர் ரவிச்சந்திரன் ஆகியோர் கலந்து கொண்டு பல்வேறு போட்டிகளில் வெற்றி பெற்ற மாணவ மாணவிகளுக்கு பரிசுகளை வழங்கினர்.நிகழ்ச்சியில் ஏனங்குடி ஊராட்சி மன்ற தலைவர் ஹாஜா நிஜாமுதீன்,

கோட்டூர் ஊராட்சி மன்ற தலைவர் முஹம்மது சலாவுதீன்,ஆதலையூர் ஊராட்சி மன்ற தலைவர் தென்மதி சந்திரசேகரன்,முன்னாள் ஒன்றியக்குழு உறுப்பினர் கீர்த்திவாசன் மற்றும் பள்ளி மேலாண்மை குழு உறுப்பினர்கள், பள்ளி வளர்ச்சி குழு உறுப்பினர்கள்,பொதுமக்கள் கலந்து கொண்டனர். நிகழ்ச்சிக்கான அனைத்து ஏற்பாடுகளையும் பள்ளி ஆசிரியர்கள் மற்றும் மாணவ மாணவிகள் செய்திருந்தனர்.

முடிவில் பள்ளி உதவி தலைமை ஆசிரியர் செல்வகுமார் நன்றி கூறினார்.