மாற்றுத்திறன் குழந்தைகளுக்கு விளையாட்டு விழா !

கெங்கவல்லி: சேலம் மாவட்டம் தம்மம்பட்டியில், ஒன்றிய அளவில் மாற்றுத் திறனாளி குழந்தைகளுக்கான விளையாட்டு விழா மெயின் நடுநிலைப்பள்ளியில் நடைபெற்றது. நிகழ்ச்சிக்கு வட்டார கல்வி அலுவலர் ஸ்ரீனிவாஸ் தலைமை வகித்தார். வட்டார மேற்பார் வையாளர்(பொ) ராணி, தலைமையாசிரியர் அன்பழகன். இயன் மருத்துவர்கள், ஆசிரியர் பயிற்றுநர்கள், சிறப்பு பயிற்றுநர்கள் முன்னிலை வகித்தனர். மைய ஊக்குநர்விஜயா, உதவியாளர் சரசு வரவேற்றனர். விளையாட்டு விழாவில் எறிப்பந்து உதைக் கும்பந்து, புதிர்கள், பலூன் விளையாட்டு, கைரேகை பதித்தல் வண்ணக்குடை இப்போட்டிகளில் மாற்றுத்திறன் குழந்தைகள் மற்றும் அவர்களது பெற்றோர், கற்பித்த ஆசிரியர்கள் பங்கேற்றனர். இப்போட்டிகளில் வெற்றி பெற்றவர்களுக்கு பரிசு வழங்கி பாராட்டு தெரி விக்கப்பட்டது. மேலும், பள்ளிகளில் குழந்தைகளுக்கு சிறந்த முறையில் பயிற்சியளித்த தலைமையாசிரியைகள் தேவகஸ்தூரி, ஜெயலட்சுமி ஆசிரியர்கள் சசிகுமார் செல்வி ஆகியோருக்கும் பரிசுகள் வழங்கப்பட்டன.