ஶ்ரீ மீனாட்சி மெட்ரிகுலேசன் பள்ளி ஆண்டு விழா

திண்டுக்கல் மாவட்டம், நத்தம் கோவில்பட்டி ஶ்ரீ மீனாட்சி மெட்ரிகுலேசன் பள்ளி ஆண்டு விழாவிற்கு நத்தம் பேரூராட்சி தலைவர் சேக் சிக்கந்தர் பாட்சா தலைமை தாங்கினார். பள்ளி தாளாளர் ஜோசப் ஜெயபால் முன்னிலை வகித்தார். வந்திருந்த அனைவரையும் அறக்கட்டளை உறுப்பினர் ராஜ்குமார் வரவேற்றார். ஆண்டறிக்கையை பள்ளி முதல்வர் சத்யா வாசித்தார். சிறப்பு விருந்தினராக தஞ்சாவூர் சாஸ்த்ரா பல்கலைக்கழக வேதியியல் மற்றும் உயிரியல் தொழில்நுட்ப இணை பேராசிரியர் தேவராஜ் கலந்து கொண்டு பேசினார். தொடர்ந்து மாணவ - மாணவிகளின் கலைநிகழ்ச்சிகள் நடந்தது. இதில் கலந்து கொண்ட மாணவ - மாணவிகளுக்கு பரிசுகள் வழங்கப்பட்டது.