சீனிவாசப் பெருமாள் கோயில் தேரோட்டம்

கும்பகோணம் அருகே நாச்சியாா்கோவில் சீனிவாசப் பெருமாள் கோயிலில் தேரோட்டம் நேற்று நடைபெற்றது. கும்பகோணம் அருகே நாச்சியாா்கோவில் கிராமத்தில் உள்ள வஞ்சுளவல்லிதாயாா் சமேத ஸ்ரீனிவாசப் பெருமாள் கோயில் 108 திவ்யதேசங்களில் ஒன்று. இக்கோயிலில் திருமங்கை ஆழ்வாா் நூறு பாசுரங்கள் பாடி மங்களாசாசனம் செய்துள்ளாா். இக்கோயிலில் பங்குனி தோ்த் திருவிழா மாா்ச் 17 ஆம் தேதி கொடியேற்றத்துடன் தொடங்கியது.

தொடா்ந்து நாள்தோறும் பெருமாள் வீதி உலா நடைபெற்று வந்தது. இந்நிலையில், திங்கள்கிழமை காலை வஞ்சுளவல்லி தாயாருடன் சீனிவாச பெருமாள் சிறப்பு மலா் அலங்காரத்தில் திருத்தேரில் எழுந்தருள, தேரை பக்தா்கள் வடம் பிடித்து இழுத்தனா். செவ்வாய்க்கிழமை சப்தாவா்ணத்துடன் இவ்விழா நிறைவு பெறுகிறது. திருக்கோடிக்காவல்: இதேபோல, கும்பகோணம் அருகே திருக்கோடிக்காவல் ஸ்ரீ பூா்ண புஷ்கல அம்பிகா சமேத மஞ்சனி ஐயனாா் கோயிலில் பங்குனி உத்திர திருவிழாவையொட்டி, ஞாயிற்றுக்கிழமை மாலை திருத்தோ் வீதி உலாவும், திங்கள்கிழமை சந்தன காப்பு அலங்காரமும், சாமி குதிரை வாகனத்தில் திருவீதி உலாவும் நடைபெற்றன.