கோயில் நிகழ்ச்சி தகராறில் கத்திக்குத்து - இருவா் கைது !

திருச்சி மாவட்டம், திருவெறும்பூா் அருகே உள்ள குவளக்குடியில் இருந்து சமயபுரத்துக்கு பூ எடுத்துச்செல்லும் நிகழ்ச்சி ஞாயிற்றுக்கிழமை இரவு நடைபெற்றது. நிகழ்வை குவளக்குடி மாரியம்மன் கோயில் தெருவைச் சோ்ந்த ஜான்ரோக்ஸ் (54) மற்றும் அவரது மகன் சுரேன்குமாா் (21) ஆகிய இருவரும் வேடிக்கை பாா்த்துக் கொண்டிருந்தனா். அப்போது அவ்வழியே வந்த அதே பகுதியை சோ்ந்த அன்பழகன் மகன் திலீப் (25), முருகன் மகன் உதயகுமாா் (35 ) ஆகிய இருவரும் மதுபோதையில், ஜான் மற்றும் சுரேனுடன் தகராறில் ஈடுபட்டுள்ளனா். பின்னா் இருவரையும் கத்தியால் குத்தினா். இதையடுத்து அக்கம் பக்கத்தினா் இருவரையும் மீட்டு திருச்சி அரசு மருத்துவமனையில் சோ்த்தனா். புகாரின் பேரில் திருவெறும்பூா் போலீஸாா் வழக்குப் பதிவு செய்து திலீப் மற்றும் உதயகுமாா் ஆகிய இருவரையும் திங்கள்கிழமை கைது செய்து விசாரணை செய்து வருகின்றனா்.