செந்தலைப்பட்டினத்தில் தேங்கும் மழைநீர்: நோய் பரவும் அபாயம் 

தஞ்சாவூர் மாவட்டம், சேதுபாவாசத்திரம் ஒன்றியம், செந்தலைப்பட்டினம் ஊராட்சியில், பள்ளிவாசல் எதிரில், பொதுப்பயன்பாட்டிற்கான ஊராட்சிக்கு சொந்தமான திடல் உள்ளது. இந்த இடத்தில் பொதுக் கூட்டங்கள், பள்ளிவாசல் சம்பந்தமான கூட்டங்கள், நிகழ்ச்சிகள், அரசு சம்பந்தமான கூட்டம், மருத்துவ முகாம் போன்ற பொது நிகழ்ச்சிகள் நடைபெறுவது வழக்கம். த

ற்போது ஊரில் உள்ள மாடுகள் பராமரிப்பின்றி விடப்படுவதால் இந்த திடலில் ஓய்வெடுக்கின்றன. இதன் காரணமாக திடல் முழுவதும் மாடுகளின் சாணி நிறைந்து கிடக்கிறது. தற்போது மழை காலமாக இருப்பதால், போதிய வடிகால் வசதி இல்லாததால் இதில் தண்ணீர் தேங்கி நிற்கிறது. இதன் காரணமாக துர்நாற்றம் வீசுகிறது. மேலும், இந்த வழியாக பள்ளி மாணவர்கள், பள்ளிவாசலுக்கு செல்லும் பொதுமக்கள் நடந்து செல்லுவதால் நோய் பரவும் அபாயம் உள்ளது.

எனவே இந்த திடலுக்கு உரிய வடிகால் வசதி செய்து, தண்ணீர் தேங்காமல் உரிய நடவடிக்கை எடுக்க வேண்டும் என மார்க்சிஸ்ட் கம்யூனிஸ்ட் கட்சி கிளை சார்பில் கோரிக்கை விடுக்கப்பட்டுள்ளது.