ஆலங்குளத்தில் இல்லந்தோறும் ஸ்டாலினின் குரல்பிரசாரம்

தென்காசி மாவட்டம் ஆலங்குளம் அருகே கீழப்பாவூர் மேற்கு ஒன்றியம், அரியப்பபுரம் பஞ்சாயத்து திரவியநகரில் இல்லந்தோறும் ஸ்டாலினின் குரல் திண்ணை பிரசார நிகழ்ச்சியில் முன்னாள் மாவட்ட திமுக செயலாளர் சிவபத்மநாதன் கலந்து கொண்டு பொதுமக்களிடம் அரசின் சாதனை விளக்க துண்டு பிரசுரங்களை வழங்கினார்.

இந்த நிகழ்ச்சியில் கீழப்பாவூர் மேற்கு ஒன்றியம், அரியப்பபுரம் ஊராட்சி, திரவிய நகரில் வீடு, வீடாக சென்று திமுக அரசின் சாதனைகளை எடுத்துக்கூறி திண்ணை பிரசாரத்தில் ஈடுபட்டார். அப்போது திராவிட மாடல் அரசின் சாதனைகள் மற்றும் 2024ம் ஆண்டிற்கான நிதி நிலை அறிக்கையின் சிறப்பம்சங்கள் அடங்கிய துண்டு பிரசுரங்களை அவர் விநியோகம் செய்தார்.

இந்நிகழ்ச்சிக்கு அரியப்பபுரம் ஊராட்சி பொறுப்பாளரும், ஒன்றிய கவுன்சிலருமான வக்கீல் வளன்ராஜா தலைமை வகித்தார். ஊராட்சி மன்ற தலைவர் தினேஷ்குமார் முன்னிலை வகித்தார். மாவட்ட தொண்டரணி துணை அமைப்பாளர் சொட்டு சுப்பிரமணியன், முன்னாள் பொறியாளர் அணி துணை அமைப்பாளர் கபில்தேவதாஸ், வழக்கறிஞர் ஹரிகிருஷ்ணன், செட்டியூர் ஹரி, கிளை செயலாளர்கள் ராஜேந்திரன் உள்ளிட்ட பலர் கலந்து கொண்டனர்.